نظم : اردو

نظم نگار : غضنفر
lafznamaweb@gmail.com

جذبوں کی جان اردو
دل کی زبان اردو
دل کش لسان اردو
مصری کی کان اردو
رس کی دُکان اردو ‌‌
شیریں بیان اردو
غاالب کی آن اردو
مومن کی شان اردو
اکبر کی تان اردو
میراں کے گان اردو
سب کا جہان اردو
شیریں بیان اردو


میٹھے وچن سناۓ
دشمن کو پاس لاۓ
سب کو گلے لگاۓ
ہر فاصلہ مٹاۓ
ایسی مہان اردو
شیریں بیان اردو
احساس زندگی کی
سینے کی کھلبلی کی
چہرے کی تازگی کی
ہر رنج،ہر خوشی کی
ہے ترجمان اردو
شیریں بیان اردو


الفاظ میں شرافت
انداز میں محبت
آواز میں لطافت
لہجے میں بھی حلاوت
ہے یہ زبان اردو
شیریں بیان اردو
جادو عجب چلاۓ
روتے کو بھی ہنساۓ
دل کی جلن مٹاۓ
چہرے پہ رنگ لاۓ
یہ مہربان اردو
شیریں بیان اردو


اس ملک کی ہوا کا
تہذیب کی ادا کا
قوموں کی ایکتا کا
رنگینیِ فضا کا
کرتی بکھان اردو
شیریں بیان اردو
کأنھا کی بانسری کی
رادھا سے دل لگی کی
راگوں کی راگنی کی
چاہت کی نغمگی کی
ہے سب کی تان اردو
شیریں بیان اردو


الفت کے تیر چھوڑے
دشمن کی آنکھ پھوڑے
ہر دشمنی کو توڑے
تیروں سے دل کو جوڑے
ایسی کمان اردو
شیریں بیان اردو

Share This Post

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>